Hisobxona

Universitetning buxgalteriya bo‘limi moliya-xo‘jalik faoliyatini tashkil etish, hisobga olish va nazorat qilish bilan shug‘ullanuvchi muhim tarkibiy bo‘linma hisoblanadi. Bo‘lim universitetning pul mablag‘lari, tovar-moddiy boyliklari va asosiy vositalarining to‘g‘ri hisobga olinishi hamda qonuniy va maqsadli sarflanishini ta’minlaydi. Buxgalteriya bo‘limi ish haqi va stipendiyalarni o‘z vaqtida hisoblash va to‘lash, soliqlar va majburiy to‘lovlarni belgilangan muddatlarda o‘tkazish, byudjet va byudjetdan tashqari mablag‘lar bo‘yicha hisobotlarni yuritish va tegishli tashkilotlarga taqdim etishni amalga oshiradi. Shuningdek, kontrakt asosida ta’lim olayotgan talabalar to‘lovlarini hisobga olish va shartnomalarni rasmiylashtirish ishlari ham ushbu bo‘lim zimmasiga yuklatilgan. Bo‘lim kassa va bank operatsiyalarini nazorat qiladi, inventarizatsiya ishlarini tashkil etadi, davlat xaridlari jarayonlarida ishtirok etadi hamda moddiy boyliklarning saqlanishi va harakati ustidan doimiy nazorat olib boradi. Buxgalteriya bo‘limi o‘z faoliyati orqali universitet moliyaviy barqarorligi va shaffofligini ta’minlashga xizmat qiladi.

• Buxgalteriya hisobini «Buxgalteriya hisobi to'g'risida»gi qonun talablariga muvofiq yuritish
• Ish haqi, stipendiya va boshqa to'lovlarni o'z vaqtida hisoblash hamda to'lash
• Moliyaviy va soliq hisobotlarini tayyorlab, belgilangan muddatlarda taqdim etish
• Asosiy vositalar va tovar-moddiy boyliklarning hisobini yuritish, inventarizatsiya o'tkazish
• To'lov-kontrakt tushumlari hisobini yuritish va nazorat qilish
• G'aznachilik tizimi orqali to'lov hujjatlarini rasmiylashtirish

• «Ta'lim to'g'risida»gi O'zbekiston Respublikasi Qonuni (O'RQ-637, 23.09.2020)
• «Buxgalteriya hisobi to'g'risida»gi Qonun (O'RQ-404, 13.04.2016)
• O'zbekiston Respublikasining Byudjet kodeksi (26.12.2013)